Tímamót

Um þessar mundir er liðið nokkuð á þriðja ár síðan Erla Bolladóttir og Guðjón Skarphéðinsson lögðu fram beiðni um endurupptöku á svonefndum Guðmundar og Geirfinnsmálum. Beiðnin er enn til umfjöllunar hjá Endurupptökunefnd.

 

Hver sem niðurstaðan verður er ljóst að með henni munu markast tímamót í langri sögu þessa umdeilda máls.

Verði beiðninni hafnað, stendur dómur Hæstaréttar frá 22. feb. 1980 óhaggaður. Mun það vafalaust valda vonbrigðum hjá flestum sem kynnt hafa sér dóminn og einnig þau gögn sem fram hafa komið á árabilinu 1980- 2016. Jafnframt er öruggt að umræðan um þennan dóm mun þá halda áfram. Það verður þá hlutverk sagnfræðinga í framtíðarinnar að fjalla um hann og réttarkerfi þess samfélags sem lét það gott heita að slíkur dómur stæði óhaggaður, þrátt fyrir þá umfangsmiklu gagnrýni sem fram hefur komið og að kerfið fengi ítrekað tækifæri til endurskoðunar hans.

Muni Endurupptökunefnd hins vegar mæla svo fyrir að málið verði tekið upp á ný, er það þar með komið aftur til Hæstarétttar.

Í samræmi við breytingu á lögum um endurupptökur frá 2016, mun dómur  þó standa óhaggaður þar til nýr dómur hefur fallið.

https://www.althingi.is/altext/pdf/145/s/1088.pdf

Samkvæmt öruggum heimildum styttist nú í að Endurupptökunefnd skili niðurstöðu sinni. Af þessu tilefni skulu hér nefndar nokkrar dagsetningar í þessari löngu sögu:

Tryggvi Rúnar Leifsson lést 1. maí 2009.

 

 

 

 

 

 

 

 

 

Sævar lést 12. júlí 2011.

 

 

 

 

 

Sumarið 2011 koma fram dagbækur Tryggva Rúnars Leifssonar.

Ögmundur skipar Starfshóp um GG mál 6. okt. 2011.
Formaður hópsins er Arndís Soffía Sigurðardóttir.

Starfshópurinn skilar af sér 21. mars 2013.

 

 

 

Endurupptökunefnd skipuð 18. maí 2013.

Erla og Guðjón leggja fram endurupptökubeiðni 26. Júní 2014.

Alþingi samþykkir lög er heimila endurupptöku á málum  látinna manna 16. des. 2014.

Aðstandendur Sævars og Tryggva sækja um endurupptöku 12. marz 2015.

Einnig fer Albert K. Skaftason fram á endurupptöku.

Sigríður Friðjónsdóttir ríkissaksóknari lýsir sig vanhæfa vegna fjölskyldutengsla 1. okt. 2014.

 

 

 

 

 

3. okt 2014. Forsætisráðherra (í forföllum innanríkisráðherra) skipar Davíð Þór Björgvinson sérstakan ríkissaksóknara.

3. júní 2015. Sérstakur ríkissaksóknari mælir með endurupptöku á dómum yfir Sævari, Tryggva Rúnari, Guðjóni og Alberti. Tekur ekki afstöðu í máli Erlu. Kristján Viðar sóttist ekki eftir endurupptöku málsins.

 

 

 

3. jan. 2015 fóru fram vitnaleiðslur í Héraðsdómi Reykjavíkur að beiðni Endurupptökunefndar. Rætt var við meðlimi starfshóps Innanríkisráðuneytis um efni skýrslunnar frá 21. mars 2013. Einnig var rætt við við Gísla Guðjónsson réttarsálfræðing.

 

 

 

 

 

 

 

Eftir hádegi voru leiddir fram þeir sem mest unnu að málinu í Síðumúlafangelsi:

Örn Höskuldsson, Eggert N. Bjarnason og Sigurbjörn Víðir Eggertsson.

 

 

 

 

 

4. sept. 2016 var haldinn fundur þar sem Endurupptökunefnd hlýddi á lokaathugasemdir frá talsmönnum endurupptökubeiðenda. Einnig ávarpaði sérstakur ríkissaksóknari, Davíð Þór Björgvinsson meðlimi nefndarinnar. Í máli hans kom fram sú breyting frá fyrri afstöðu, að hann mælir með endurupptöku á málinu í heild. Ekki aðeins Sævars, Tryggva, Guðjóns og Alberts, heldur einnig máli Erlu. Einnig mælist Ríkissaksóknari að eigin frumkvæði til þess að þáttur Kristjáns Viðars verði endurupptekinn, þrátt fyrir að Kristján hafi sjálfur ekki lýst yfir neinum áhuga á umfjöllun um sín mál.